പാപത്തിൻ്റെ ദാസ്യത്തിൽ നിന്നും നീതിയുടെ ദാസ്യത്തിലേക്ക്

പാപം ചെയ്യുന്നവൻ എല്ലാം പാപത്തിൻ്റെ ദാസൻ ആകുന്നു എന്നും പിശാചിൻ്റെ മകൻ ആകുന്നു എന്നും ദൈവവചനം പറയുന്നു . ദൈവത്തിൽ നിന്നും ജനിച്ചവൻ നീതി ചെയ്യുന്നവനും, സഹോദരനെ സ്നേഹിക്കുന്നു എന്നും ദൈവവചനം വ്യക്തമാക്കുന്നു. ഈ കാര്യങ്ങളാൽ ദൈവത്തിൻ്റെ മക്കൾ ആരെന്നും, പിശാചിൻറെ മക്കൾ ആരെന്നും തെളിയുന്നു എന്നും ദൈവവചനം വ്യക്തമാക്കുന്നു. 1 യോഹന്നാൻ 3: 1-8. എന്നാൽ യേശുക്രിസ്തു ഭൂമിയിൽ വന്നത് പാപങ്ങളെ നീക്കി, പിശാചിൻ്റെ പ്രവർത്തികളെ അഴിച്ചു, പാപത്തിൻ്റെ അടിമയായ, മനുഷ്യനെ പാപത്തിൽ നിന്നും സ്വതന്ത്രൻ ആക്കി, അവനിൽ വസിച്ചു അവനിൽ കൂടി തൻ്റെ നീതി പ്രവർത്തികളെ വെളിപ്പെടുത്താൻ വേണ്ടിയിട്ടാണ് എന്ന് ദൈവവചനം വെളിപ്പെടുത്തുന്നു. 1 യോഹന്നാൻ 3:5,8, യോഹന്നാൻ 8:36. യേശുക്രിസ്തുവിൻ്റെ ക്രൂശിലെ പൂർത്തീകരിക്കപ്പെട്ട പ്രവർത്തിയാൽ, തൻ്റെ ക്രൂശു നമ്മിൽ ചെയ്യുന്ന തുടർമ്മാനമായ പ്രവർത്തിയാൽ ഇത് നമ്മിൽ സാധ്യമാകുന്നു.എന്നാൽ ക്രൂശിൻ്റെ യഥാർത്ഥ സന്ദേശം അറിയാത്തതിനാൽ പലരും ഇന്നും പാപത്തിൻ്റെ അടിമയായി തുടരുന്നു .ഈ സന്ദേശം കേൾക്കുക ; സത്യം നിങ്ങളെ സ്വതന്ത്രർ ആക്കട്ടെ